Приведената 76-годишна активистка повторно протестира во Сент Петерсбург

Инспиративната уметничка и политичка активистка од Петербург, Јелена Осипова (76), што руските полицајци неодамна ја уапсија заради учество на антивоените протести во Сент Петерсбург, повторно излезе на улица да протестира.

Оваа активистка, која ја преживеала опсадата од повеќе од 900 дена на Ленинград, излезе со транспарент со кој ги повика руските војници да се вратат дома.

„Руски војници, фрлете го  оружјето – и ќе бидете вистински херои!”- им порача таа преку транспарентот.

Осипова е познат активист против злоупотребата на атомската енергија, војните и човекови права.