Претставничкиот дом со гласање го спречи Трамп да почне војна со Иран

Претставничкиот дом на САД денеска гласаше со цел да го спречи претседателот Доналд Трамп да почне војна со Иран, освен во случај на самоодбрана.

Според најновата одредба, на Трамп му е потребно одобрување од законодавците во случај да планира да нареди воена акција против Иран.

Се уште не е познато дали конкретните санкции кон Иран ќе бидат вклучени во конечниот закон што се договара помеѓу Претставничкиот дом и Сенатот.

Трамп минатиот месец изјави дека и понатаму размислува за воена акција против Иран откако претходно ја отповика одлуката за напад поради соборување на американско беспилотно летало.