Портокалова велосипедска тура по повод Националниот ден на Холандија ќе се одржи во петок

По повод Националниот ден на Холандија – Денот на Кралот, Амбасадата на Кралството Холандија и движењето „Гоу грин“ Скопје ја организираат втората портокалова велосипедска тура во петок, 25 април во 16 часот на платото пред „Ист гејт мол“.

Во рамки на Деновите на Холандија кои се одржуваат од петок до недела во „Ист гејт мол“ ќе има и натпревар за најдобро декориран велосипед и игра на потрага како и холандски базар на кој ќе се претстават повеќе холандски компании.