Поранешниот француски репрезентативец Адамс почина по 39 години кома
Поранешниот француски фудбалер Жан – Пјер Адамс, кој во текот на 70-те години од минатиот век го носеше репрезентативниот дрес, почина на 73-годишна возраст, откако 39 години беше во кома, соопштија денеска неговите поранешните клубови ПСЖ и Нанси.
Адамс беше во кома од март 1982 година, кога пред рутинска операција на коленото му беше вбризгана преголема доза анестетик што предизвика оштетување на мозокот.
Неговата сопруга Бернадет одби евтаназија и оттогаш постојано се грижеше за поранешниот француски репрезентативец.
Роден во Сенегал, црномуресниот Адамс во периодот од 1972 до 1976 година одигра 22 натпревари за Триколорите и заедно со прославениот Мариус Трезор го сочинуваа францускиот одбранбен бедем познат под прекарот „црна стража“.
2021-09-06 14:36:47, од Пандорка Арсовска-Гацова
Footballer Jean-Pierre Adams has died at the age of 73, after being in a coma for the past 39 years.
Adams, a former French international defender, passed away earlier today at the Nîmes University Hospital.
He had been in a deep coma since 1982. pic.twitter.com/0n0LkR26Cg
— LADbible (@ladbible) September 6, 2021