Положено цвеќе на гробот на претседателот Глигоров

01/01/2022 13:56

Претседателот Стево Пендаровски, денеска во Алејата на великаните на Градските гробишта Бутел во Скопје, положи свежо цвеќе на гробот на поранешниот претседател Киро Глигоров, по повод 10 – годишнината од неговата смрт.

Киро Глигоров ќе остане запаметен како активен учесник во најважните процеси за политичко осамостојување на нашата држава. Со своите лидерски способности, умереност, мудрост и дипломатија даде исклучителен придонес за меѓународно признавање и етаблирање на земјата и го отвори патот за исполнување на стратешките цели.

Делегација на Владата на Република Северна Македонија предводена од заменик-претседателот на Владата за економски прашања Фатмир Битиќи, министерот за здравство Венко Филипче и државната секретарка во Секретаријатот за европски прашања Калинка Габер, денеска положи цвеќе на гробот на претседателот Киро Глигоров.


Денеска се навршуваат 10 години од смртта на првиот претседател на Република Македонија Киро Глигоров кој на 8 септември 1991 година, после успешниот референдум ја прогласи независноста на државата.

Претседателот Глигоров беше првиот македонски претседател кој се обрати на македонски јазик на говорницата на Обединетите нации на 8 април 1993 кога Република Македонија стана 181 членка на ОН.

И делегација на СДСМ во состав Миле Зечевиќ, генерален секретар, Ана Данева Маркова членка на ИО на СДСМ и Марија Иванова, потпретседателка на СДММ, денеска оддаде почит и положи цвеќе на неговото вечното почивалиште. 
 
СДСМ и сите граѓани со особена почит се сеќаваат и ги вреднуваат државните достигнувањата на претседателот Глигоров кој го отвори европскиот пат на земјата.  
 
Заложбите на претседателот Глигоров за напредок на државата, неговите државнички политики, изградија значајни пријателства, отворија соработка и создадоа заедн иштво внатре и во светот, со што јасно ја постави насоката и го зацрта патот на интеграцијата и развојот, којшто денес со гордост го продолжуваме. 
 
Претседателот Глигоров беше и останува почитуван политичар и државник во регионот и светот, чие искуство и мудрост и денес се вреднуваат и ценат. 
 
Тој е претседател кој ја зачува својата татковина безбедна и успеа да ја постави на патот кон Европа. 
 
СДСМ како одговорна и државничка партија која се води од интересите на граѓаните и државата, останува цврсто определена да ги негува и спроведува вредностите што претседателот Глигоров ги остави зад себе.

Поврзани содржини

Касами: Таравари нема да биде дел од Владата, но некој од АА може да остане во извршната власт
Мицкоски отпатува тајно во странство
Бримора: Посетата на Кошта на Скопје силен сигнал дека ја поддржуваме државата
Предлогот градоначалници да се менуваат со референдум помина на собраниска комисија
Муцунски во Украина со министрите на ЕУ
Маричиќ: На Денот на Европа Албанија и Црна Гора имаат причина да празнуваат, Македонија не
Рокас: Трагедијата во Кочани покажа што значи европска солидарност
Левица тврди: Власта ќе ја либерализира трговијата со оружје, за профит ќе ја загрозат безбедноста во државата

Најчитани