Почнаа разговорите меѓу Украина и Русија

Во местото Припјат на белоруско-украинската граница почнаа разговорите на Украина и Русија за прекин на огнот.

Украина соопшти дека нејзината цел на разговорите е „моментален прекин на огнот и повлекување на руските трупи“. Во нејзината делегација има неколку високи функционери, но не и самиот претседател Володимир Зеленски.

Кремљ одби да ја коментира својата цел во преговорите, но рускиот преговарач Владимир Медински изјави дека Русија сака да постигне договор што е во интерес на двете страни.