Почина управителот на дискотеката „Пулс“ Александар Карадакоски
Карадакоски на лекување беше испратен во Литванија, каде што и почина
По неколкунеделно лекување почина Александар Карадакоски, управител на „ММММ Кафе дооел“, која што управувала и со дискотеката „Пулс“ во која животот го загубија 59 лица откако изби пожар по употреба на пиротехнички прскалки.
Карадакоски на лекување беше испратен во Литванија, каде што и почина.
Жителите на Кочани сведочеа дека тој освен што бил заведен како управител, работел и како шанкер во дискотеката.
Карадакоски е еден од 34-мината осомничени за трагедијата во Кочани.
Министерот за здравство Арбен Таравари потврди дека утринава во Литванија починал Александар Карадакоски, кој беше повреден во пожарот во дискотеката „Пус“ во Кочани.
Карадакоски беше заведен како управител на дискотеката „Пулс“ која работела со фалсификувана лиценца. Тој е 60-та жртва од пожарот во кочанската дискотека која работела со фалсификувана лиценца.
Таравари кој е во посета на Липково кажа дека Карадакоски бил еден од пациентите кои биле најкртични.
„Од први април му откажаа и бубрезите, беше ставен на дијализа, и за жал утрово ја добив лошата информацоија дека тој починал. 40 отсто од неговото тело беа со изгореници. Главниот проблем беше инфекцијата“, изјави Таравари.