Петрушевски: Трошоците за храна и пијалоци се намалени за 1.000 денари

Трошоците за храна и пијалоци се намалени за 1000 денари, мерките на владата за намалување на цените даваат резултат, тврдеше денес пратеникот на ВМРО-ДПМНЕ Бране Петрушевски на прес конференција.

„Синдикалната минимална кошница, која ја пресметува Сојузот на синдикати на Македонија јасно покажува дека трошоците за храна и пијалоци за едно четиричлено семејство во октомври во споредба со септември оваа година се намалени за 1000 денари. Поголем доказ од ова дека мерките на владата даваат плод нема.
Граѓаните не се оставени на цедило.

Владата презема реални мерки за зачувување и зголемување на животниот стандард.Растат пензиите, платите, се подобрува бизнис климата. Народот има партнер во владата, која работи за него, а не против него.Инфлацијата е помеѓу 2 и 2.5%, за време на СДС таа беше двоцифрена.Македонија се движи забрзано напред.Економската трансформација која е наша цел почнува.
Куповната моќ на народот се зголемува и економијата расте“, тврдеше Петрушевски наспроти сите тврдења дека е обратна состојбата.