Пет лица се застрелани во училиште во Оребро, централна Шведска

Пет лица се застрелани во училиште во централна Шведска, соопшти полицијата.

Инцидентот се случил во Оребро, 200 километри западно од Стокхолм, во вторникот попладне.

Полицијата соопшти дека степенот на повредите е нејасен.

Инцидентот се случил пред 13 часот по локално време, а властите ги повикале жителите да се држат подалеку од училиштето.

Асошиетед прес соопшти дека училиштето било центар за образование за возрасни.

„Извештаите за насилство во Оребро се многу сериозни. Полицијата е на местото на пукањето и операцијата е во полн ек. Владата е во близок контакт со полицијата и внимателно го следи развојот на настаните“, изјави министерот за правда Гунар Штромер за шведската новинска агенција ТТ.