Пендаровски ќе биде пречекан од Вучиќ во „Прохор Пчињски“ за Илинден
За годинешната прослава на најголемиот македонски празник Илинден, претседателот Стево Пендаровски ќе предводи висока државно-црковна делегација во манастирот „Прохор Пчињски“.
Како што откри самиот тој во гостувањето на телевизија, според воспоставената ротација, годинава треба да биде присутен во Пелнце, но Пендаровски вели дека не сака за овој празник да биде на локација каде што не му е местото.
– Ќе предводам висока државно-црковна делгација, а ќе бидеме пречекани на највисоко ниво од претседателот (на Србија), Александар Вучиќ – рече вечерва Пендаровски.
Од лани, македонска делегација повторно може да го чествува овој празник во „Прохор Пчињски“.
Во параклисот на манастирот „Прохор Пчињски“ во Србија, лани беше поставена спомен-плочата за одржувањето на првото заседание на АСНОМ на 2 август 1944 година.