Отворање на изложбата со Златниот човек од Казахстан

11/07/2019 07:37
Во Археолошкиот музеј вечер во 19 часот ќе биде отворена изложбата „Великата степа: историја и култура“ од Националниот музеј на Казахстан, на која главен експонат е Златниот човек од 5 век п.н.е. познат како „казахстански Тутанкамон“.

Научниците го идентификувале како 18-годишен воин од скитското племе Сака. Бил откриен од археолозите во 1969 година во гробница на локалитетот Исик, 50 километри источно од градот Алмати.

Покрај златниот воин, изложбата ќе претстави речиси 200 други вредни археолошки наоди, меѓу кои и сребрената чаша од Исик со сè уште недешифриран натпис, значајна зашто сведочи дека писменост во Великата степа во централна Азија постоела и пред три илјади години.

Скопје е деветтиот град каде што гостува ексклузивната изложба од Казахстан. Досега ги има посетено Минск, Москва, Баку, Сиан, Гдањск, Сеул, Казан и Ташкент. Во Археолошкиот музеј ќе остане до средината на август, а влезот за посетителите е бесплатен. 

Поврзани содржини

Во македонскиот КИЦ во Тирана самостојна изложба на скулпторот Џелил Руфати
„Темната страна на Римската историја“ ги обедини германските и македонските археолози во Франкфурт
Oхриѓанката Ениз Хилми ја доби наградата за најдобар прозен дебитантски ракопис „Новите“
Драмски театар со попуст од 50 отсто за блок билети за седум претстави
Штраус за новогодишна магија – Филхармонија во празничен дух ја заокружи 2024 (фото)
Румена Бужаровска го потпишува „Тони“
„Трите самовили го бараат Дедо Мраз“ – музичка претстава во Скопје
Зоки Поки, Сказна за детето Вилен и Белото Циганче на Брајово писмо

Најчитани