Одлука предизвика хаос на Твитер: 90 отсто од вработените добиле отказ поради вештачка интелигенција

Индиската компанија „Дукан“ отпушти 90 отсто од персоналот за поддршка на клиентите и ги замени со вештачка интелигенција (ВИ).

Шефот на оваа компанија, Самит Шах, на Твитер објави дека тоа е „тешка, но апсолутно неопходна одлука“, пренесува Би-би-си.

Во исто време, тој се пофали со резултатите, бидејќи AI chatbot го намали времето за првиот одговор на корисникот од една минута и 44 секунди на нула, а проблемот на клиентот беше решен во просек за три минути и 12. секунди наместо претходните два часа и 13 минути.

Трошоците за услуги на клиентите се намалени за 85 отсто, додаде Шах.

Објавата доби 1,7 милиони прегледи на Твитер и предизвика жестока дискусија, при што многумина ја критикуваа деловната одлука како „нечувствителна“.