Николоски: Нема соработка со ДУИ поради огромниот криминал и корупција

30/04/2024 10:59
По првиот круг сѐ појасно е дека ВМРО-ДПМНЕ ќе победи на изборите, истакна Александар Николоски, потпретседател на ВМРО-ДПМНЕ и носител на ИЕ 4 во своето гостување во емисијата „Политиканти“. Тој во текот на своето гостување посочи дека предизвик број еден на новата влада предводена од ВМРО-ДПМНЕ ќе биде да се соберат луѓе кои ќе сакаат да направат нешто во државата.
 
„Предизвик број еден е да се соберат квалитетни кадри кои што ќе сакаат да направат нешто во државата, особено во дел на проектен менаџмент. Еве тука ќе ги споменам две сериозни инфраструктурни делници, автопатот Охрид-Кичево и Прилеп-Градско, експресен пат. Моето мислење е дека двата не се реализираа поради лош проектен менаџмент“, рече Николоски.

„Ние велиме дека ова е последна шанса, затоа што навистина сме собрани една екипа на луѓе кои влегуваат со доста енергија во оваа работа и сакаме да оставиме нешто позади себе. Не влегуваме во оваа работа само да протуркаме 4 години, па што биде-биде, мислам дека тоа го чувствуваат нашите соработници и дека ќе се направи една добра екипа која ќе може да испорача.

На крај Николоски порача дека ВМРО-ДПМНЕ не сака да соработува со ДУИ поради огромниот криминал и корупција кои го прават.

„Резултати ќе има особено во борба со организиран криминал и корупција, тоа ни е број 1, ние и во партијата покажавме дека сакаме да менува и сменивме. И овој судир кој што го имаме со ДУИ, е на таа линија, ако видиме зошто ние не сакаме да соработуваме со ДУИ, тоа е токму заради таа причина.

Поврзани содржини

(Галерија) Протестен марш против аерозагадувањето: Молчи, трпи, гуши се!
Се чекаат имињата од ВМРО-ДПМНЕ. Беса, ЗНАМ и Алтернатива ги објавија кандидатите за министри
Нова влада до 20 јуни, објавени дел од имињата на министрите
ЦГК:Гласањето на дијаспората чинело повеќе отколку печатењето на ливчињата за сите гласачи
Сиљановска му го даде мандатот на Мицкоски, тој најави „историски и епохални“ инвестиции
Собрание: На премиерот и на одредени членови на Владата им престанаа функциите, ќе ги вршат само неопходните функции до изборот на новата влада
Пратеничката група на Левица бара да се констатира престанок на мандатот на пратеникот Талат Џафери
Рокот за давање на мандатот за влада истекува, Сиљановска не знае кога ќе се случи тоа

Најчитани