Нервозно тргување на Волстрит, се чекаат клучните најави

Во нервозно тргување на Вол Стрит, индексот Дау Џонс благо падна, додека S&P и Nasdaq зајакнаа додека инвеститорите го чекаат објавувањето на деловните резултати од голем број технолошки компании, состанокот на ФЕД и клучните податоци на американскиот пазар на труд за нови насоки.

Индексот Дау Џонс во понеделникот падна за 49,41 поен или 0,12 отсто на 40.539 поени. Истовремено, индексот S&P 500 благо зајакна за 0,08 отсто, на 5.463 поени, а индексот Nasdaq за 0,07 отсто, на 17.370 поени.

Кварталните резултати од технолошките имиња од висок профил како што се Мајкрософт и Епл, Мета и Амазон треба да бидат објавени оваа недела и да им дадат насоки на инвеститорите за тоа дали технолошките акции се ранливи или дали нивниот раст на цените може да продолжи.

Инвеститорите се надеваат и дека ФЕД во среда, на крајот на седницата оваа недела, ќе сигнализира дека е подготвен да ги намали каматните стапки во септември. Во петок, пак, податоците за вработеноста во јули ќе дадат увид во состојбата на пазарот на труд во најголемата светска економија.

„Јасно е дека сме на иглички. Пазарите се главно во фаза на чекање. Имаме големи економски вести оваа недела и состанок на ФЕД во среда и извештај за работните места во петок. Имаме и голем број деловни извештаи од технолошките технолошки компании “, рече Мона Махаџан, директор и виш стратег за инвестиции во Едвард Џонс.