Наоми го покори Париз само со една ревија, еве која

Црниот пантер се врати на модните писти на ревијата на машката колекција на Balmain, која како единствена манекенка на сцената, ја затвори со спектакуларен изглед во исто толку спектакуларно издание. Таа носеше машки кафеав капут со златен украс на главата и гломазен златен украс на појасот. Наоми Кембел на Модната недела во Париз се појави како ѕвезда и покажа дека со совршената фигура и на 54 години нема конкуренција.

 „Луксузот има многу значења“, изјави креативниот директор Оливер Рустинг за Vogue за  машката колекција за  есен 2024 година, кој е на оваа позиција веќе тринаесет години. „И ова е луксуз кој вреска“.

Колекцијата на Balmain беше поп-арт направен со ткаенина генерирана од вештачка интелигенција. Иако сигурно беше храбар, изгледот на Кембел беше наведен како еден од поминималистичките изгледи на шоуто, бидејќи „секој поглед на пистата овој викенд беше храбар, футуристички и со вртење на главата“. Колекцијата беше амалгам од мешање на дезени, каде портокалови, црвени и виолетови бои се поврзуваа со точки, риги и принтови. 

Кембел има долгогодишна врска со Балмен и Рустинг; таа се појави во кампања за француската модна куќа за нејзината колекција пролет 2022 снимена од фотографите Мерт Алас и Маркус Пиго. За кампањата, Рустинг рече дека ужива во шансата да работи со „мешавина од легенди кои ме инспирираа уште од детството и некои од највпечатливите нови таленти на денешницата“.

Доволно е да се видат фотографиите од ревијата во Париз од кои блескаат нејзината убавина, недопрена со години и самодовербата која ја водеше во текот на нејзината кариера. А таа започна пред да наполни 16 години кога заврши на насловната страница на британскиот моден магазин Elle. Оттогаш до денес таа не застанала, иако во последните години се помалку се занимава со манекенство, освен кога е поканета како ѕвезда, што беше случај и на ревијата на Балмен.

Среќата ја нашла во мајчинството. Таа е мајка на двегодишно девојче и шестмесечен син чии имиња не ги открива, а се претпоставува дека и ги родила сурогат мајка. Таа никогаш не го откри името на нејзиниот татко и моментално сама ужива во родителството.

А колку оставила белег на модната индустрија доволно говори и фактот дека легендарниот музеј Викторија и Алберт во Лондон, најголемиот музеј за применета уметност и дизајн во светот, подготвува изложба за нејзиниот живот преку модата. Изложбата со име НАОМИ ќе биде отворена на 22 јуни 2024 година и ќе трае до 6 април 2025 година.