Најстудено во Берово, најтопло во Гевгелија

Најниска температура од -3 степени утрово е измерена во Берово, а најтопло беше во Гевгелија каде се измерени 6 степени Целзиусови. Во Лазарополе е регистрирана температура од -2 стпепени, -1 се измерени на Попова Шапка и во Маврови Анови, 0 беше во  Скопје-Петровец, Крива Паланка и Битола, 1 степен во Тетово, Велес и Претор, 2 степена во Скопје-Зајчев Рид, Куманово, Охрид, Штип, Прилеп, и Крушево, 3 во Струмица, Кавадарци и Виница, а 4 степени се измерени во Демир Капија.

Според најавите од Управата за хидрометеоролошки работи (УХМР), времето денеска ќе биде сончево со мала до умерена локална облачност. Ќе дува слаб до умерен ветер претежно од јужен правец. Максималната температура ќе биде во интервал од 15 до 22 степени Целзиусови.

И во Скопје ќе биде сончево со мала до умерена облачност. Ќе дува слаб до умерен јужен ветер. Максималната температура ќе достигне до 22 степени Целзиусови.