Најмалку 120 мртви во последните 24 часа во Појасот Газа

Министерството за здравство на Газа денеска објави дека најмалку 120 тела се доставени во болниците во Појасот Газа во последните 24 часа.

Во својот дневен извештај, Министерството соопшти дека 557 лица се повредени во истиот период.

Од октомври 2023 година, кога започна војната во Газа откако палестинското милитантно движење Хамас го нападна јужен Израел, најмалку 58.386 Палестинци се убиени, а 139.077 се повредени, според палестински извори.

Палестинското министерство објави дека од 18 март, кога не успеа обидот за враќање на прекинот на огнот меѓу Израел и Хамас, најмалку 7.568 Палестинци се убиени, а 27.036 се повредени.

Според израелски извори, во нападот на Хамас врз јужен Израел во 2023 година, убиени се околу 1.200 луѓе, а земени се 251 заложник, а околу 50 заложници, од кои се верува дека половина се сè уште живи, сè уште се држат како заложници од Хамас во Газа.