Најбогатата жена во Азија загуби половина од своето богатство од 24 милијарди долари за една година
Јанг Хуијан е главен акционер во големата компанија за недвижности „Кантри гарден“
Најбогатата жена во Азија изгуби повеќе од половина од своето богатство во текот на изминатата година, бидејќи кризата што го зафати кинескиот сектор на недвижности продолжува да се влошува, покажа индексот на милијардери во четвртокот.
Јанг Хуијан, мнозински акционер во најголемиот кинеската компанија за недвижности „Кантри гарден“, забележа пад на нејзината нето вредност за повеќе од 52% на 11,3 милијарди долари од 23,7 милијарди долари пред една година, според индексот на милијардери на Блумберг.
Како знак дека кризата се шири во недвижностите, за кои претходно се мислеше дека е цврста област, богатството на Јанг доживеа голем удар во средата кога акциите на „Кантри гарден“ со седиште во Гуангдонг на берзата во Хонгконг паднаа за 15% откако компанијата објави дека ќе продаде нови акции на подигне готовина.
Јанг го наследила своето богатство кога нејзиниот татко – основачот на „Кантри гарден“ Јанг Гуочијанг – и ги префрлил своите акции во 2005 година, според државните медиуми.
Таа стана најбогатата жена во Азија две години подоцна.
Но, таа сега едвај се држи до таа титула, а веднаш зад неа е тајкунот за хемиски влакна Фан Хонгвеи со нето вредност од 11,2 милијарди долари во четвртокот. (АФП)