Протест „Кој е следен“ во Скопје – МВР забрани снимање со дрон над плоштадот и улиците
Попладнево се одржуваат повеќе протести во неколку градови низ Македонија, како и во главниот град, кој почна во 18.59 часот, од плоштадот „Македонија“, пред Собранието, а по улицата „Филип Втори“, и по мостот „Гоце Делчев“ ќе заврши пред Владата.
На плоштадот „Македонија“ веќе се собраа стотици луѓе, по чадори затоа што врне, кои протестираат против системот и нефункционалноста на институциите.
Носат голем транспарент на кој пишува „Системот е следен“, за разлика од претходните денови кога прашуваа „Кој е следен?“.
Тие скандираат “Доста беше смрт”, “Секој еден, може да е следен”, “Правда за жртвите” и “Доста бевме ние, системот е следен”. Може да се видат и транспаренти на кои пишува “колку мито треба за да ги вратиме жртвите”, “нема тишина, само правдина”,…
Истовремено, МВР изнформираше дека овие улици се затворени за сообраќај, а попладнево стигна соопштение во кое се вели дека Министерството за внатрешни работи ги информира граѓаните и сите корисници на воздухоплови без екипаж (дронови) дека од страна на Агенцијата за цивилно воздухопловство е поставена забрана за вршење на било какви операции со воздухоплови без екипаж (дронови) на територијата на град Скопје:
2. Улица „Димитрие Чуповски“,
3. Булевар „11 Октомври пред Собрание на РСМ,
4. Улица „Филип Втори“,
5. Булевар „Гоце Делчев“ до булевар „Илинден“ и
6. Пред Влада на РСМ.
Неовластеното, некоординирано оперирање на овие воздухоплови не само што го загрозува воздушниот сообраќај, туку може да предизвика сериозни последици по животот и имотот на трети лица на земја.
Оперирање со воздухоплови без екипаж во забранети зони е основ за поведување постапка за санкционирање согласно Законот за воздухопловство.
Апелираме до граѓаните во овие денови на неизмерна тага и болка во рамки на загарантираното со Устав право на собирање и одржување на протест, истите да се одржат во мирна атмосфера, да се почитуваат веќе донесените одлуки од страна на државните институции и да се почитуваат наредбите и насоките од страна на полициските службеници, во насока на обезбедување на мирот, безбедноста и сигурноста на сите граѓани во државата.
„Koj е следен?” во најавата за маршот напоменува дека е исклучиво против секаков вид насилство и провокации, а воедно се оградува и од каков било повик, скандиранье (говор на омраза) или однесуванье кое има за цел да го наруши јавниот ред и мир.
-Забранети се партиски обележја зашто протестот е граѓанска иницијатова и не смее да се партизира. Учесниците да ги почитуваат инструкциите на редарите, да избегнуваат секаков вид провокации, да не носат остри предмети, оружје, пиротехника и да не фрлаат отпад, наведуваат од „Koj е следен?”.
Додаваат и дека е забрането уништување на јавен и приватен имот.