Музеј на град Скопје со изложба гостува во Нови Сад

04/09/2019 07:49
Музејот на град Скопје, по повод 70-годишнината од своето постоење, со изложбата „Скопската тврдина – симбол на градот“, гостува во Музејот на град Нови Сад, Петроварадинска Тврдина.

Изложбата ќе биде отворена вечер, а автори се кустосите Снешка Лакалиска, Драгица Живкова и Игор Кузманоски.

На изложбата ќе бидат презентирани 110 предмети кои ги отсликуваат различните аспекти од животот на Скопското кале во средновековниот и османлискиот период, со акцент на керамичкиот материјал. Изложените предмети го покажуваат богатиот културен живот на Калето, но и влијанијата од развиените средновековни културни центри.

Преку претставените артефакти, културната јавност во Нови Сад ќе има можност поблиску да се запознае со нивната естетска, духовна и практична вредност. Изложбата ќе биде отворена еден месец, до 4 октомври.

Поврзани содржини

Сите имаме чувство дека мразот е скршен: Владимир Мартиновски за јазичната конференција во Солун 
Премиера на „Фамилијата Адамс“ во Драмски на 25 декември
„Танец“ одигра историска мисија, рече Љутков по повод јубилејниот концерт
Антоновски: Борбата за вистинските вредности продолжува – по патот на Јасмин и Шопов
Во КИЦ во Софија промоција на македонското издание на романот „Едно лето на Никола“
Изложба, предавања и работилници на уметникот од Кина, проф. Гао Ши
Изложба „Регенерација“ на Ана Ивановска, Христина Зафировска и Маја Кировска
По 40 години се враќа „Бушава азбука“ со новогодишна песна „Бушава Нова година“ (видео)

Најчитани