Мицкоски вечерва бира ново раководство

ВМРО-ДПМНЕ го закажа Централниот комитет на кој треба да се изберат нови потпретседатели и нов состав на Извршниот комитет. Тој најавува влез на нови луѓе во највисокото раководство на партијата, а освен тоа треба да предложи и нови двајца потпретседатели. Со ова наместо досегашните два, партијата ќе има четворица потпретседатели.  Според информациите не се очекува промена на Александар Николоски и Владо Мисајловски. 

Имињата се чуваат во тајност, но се очекува жена да има во потпретседателската четворка, но и еден од актуелните градоначалници.  

Извршниот комитет ќе биде исто така проширен, но и дел од актуелните членови ќе бидат сменети. Неофицијално се споменуваат Вело Марковски, Коце Трајановски, Трајко Славески, а како нови членови се споменуваат поранешните функционери Илија Димовски и  Марјан Ѓорчев.