Македонска Каменица, Делчево, Демир Хисар и Крушево немаат меѓуградски превоз

Повеќе градови во Македонија немаат никаков меѓуградски превоз, а уште поголема е бројката на оние кои имаат еден автобус до главниот град дневно, а за соседните градови, немаат ниту автобуси, ниту пак такси-превоз, затоа што не им се исплаќа да возат куси дестинации. 

– Меѓуградски превоз во моментот нема Македонска Каменица, Делчево, Демир Хисар и Крушево. Воопшто немаат линии. Ќе апелираме до министерството за транспорт и врски да преземе соодветни мерки по ова затоа што навистина е жално во 21 век да нема автобус којшто ќе сообраќа, барем еден до главниот град или друг град, кадешто ќе можат да земат друг превоз до определен град кадешто ќе патуваат – укажаа денеска на прес конференција од Универзитетското собрание при УКИМ.

Некои градови немаат ни повратни билети, „што навистина е жално, затоа што билетите им се поскапи од авионски карти до Венеција, Германија, Виена и слично. И за ова ќе апелираме, барем ако не може да се обезбеди соодветен попуст, барем да се направи повратен билет“, велат од УС на УКИМ.