Лефков: Министерството за економија служело само за да прави милиони Дрин Ахмети
![](https://nezavisen.mk/wp-content/uploads/2024/07/Миле-Лефков.jpg)
,,Ограбена држава“. Вака Миле Лефков од ВМРО-ДПМНЕ, задолжен за напади врз опозицијата, го опиша функционирањето на Министерството за економија во времето на ДУИ и СДСМ, кое според него служело само за да прави милиони Дрим Ахмети.
„ Фирмата „Еверест ЏД“ на Ахмети во период од 2016 до 2023 како концесионер на каменолом платила за 1.617.894 денари помалку за концесиски надоместок од тоа што требало. Ова нема да било возможно без сега веќе обвинетите неколку лица вработени во Министерството за економија под капа на Крешник Бектеши. Важно е да се напомене дека оваа фирма на Ахмети лиценцата за експлоатација на минерални суровини ја добила во 2005 година, исто така во време на влада на СДС и ДУИ.
За 11 години потоа, исто во време на СДС и ДУИ, кога со Министерството за економија раководи кадар на ДУИ истата експлоатира минерални суровини без прецизно да ги наведе количините кои се ископани, а со тоа и да плати помалку кон Буџетот.Очигледно е дека пипците на Ахмети оделе длабоку, па за непречено да работи Дрин, да копа колку сака, и плати колку сака, а не толку колку што мора, својата службена положба ја злоупотребиле Ф.Ч. (54) од Дебар, Е.Љ. од Теарце-Тетово, Ј.К. од Тетово, А.М. од Скопје, К.Ш. од Скопје, Ф.А. од Куманово и Ф.Р. од Скопје. Истите заради постоење на основано сомнение дека сториле кривично дело „несовесно работење во службата” и се гонат по чл.353-в од КЗ.
Доколку горенаведените постапеле согласно закон, концесијата за експлоатација на Дрин Ахмети требало да биде одземена, а тој да биде изведен пред суд по пријава на самото министерство. Но, како министерството на Крешник Бектеши да го гони внукот на Ахмети, кој таму го поставил?„- праша Лефков на прес конференција.