Костадинов: Владата води инает со Струмица, ни ги загрозува децата

Владата на ВМРО-ДПМНЕ удри и по нашите најмили, нашите деца, пишува во објава на Фејсбук градоначалникот на Струмица, Костадин Костадинов.

– Гневот, револтот и одбивноста кај сите струмичани кон владата на ВМРО-ДПМНЕ расте од ден на ден се повеќе. Да, Струмицо и тоа се случува, удараат и по нашите најмили, нашите деца!​Тотално немање емпатија, само со крајна цел да се уништи се што е струмичко! Ама не, не се предаваме и не молчиме, продолжуваме храбро и решително и жестоко напред.

Детските градинки во Струмица се соочуваат со недостаток на стручни лица за работа со деца (воспитувачи, негуватели и стручни работници) како и помошнио технички персонал, со цел извршување на дејноста. ​Од формирање на новата Влада до денес се пратени повеќе барања (Виножито – 4 барања) по различни основи (пензионирање, отказ и нови капацитети), за најголем дел до ден денес не е добиен никаков одговор и еден негативен одговор на Барање на детската градинка Детска радост (образложението не ми е познато) и покрај тоа што и двете градинки имаат предвидени средства за нови вработувања на ставки за плати и надоместоци на плати во Буџетот за 2025 година.

​Не се почитува Правилникот за стандардите и нормативите за вршење на дејноста во установите за деца, во делот минимален број на вработени за згрижување на деца и минимален број на вработени во останатите служби (пред се стручна служба и хигиеничари). ​Детската градинка Виножито, со проектиран капацитет за 17 воспитни групи и 300 деца, во моментот функционира со 14 воспитни групи, а има добиено финансиска согласност (од претходната Влада) за 12 воспитни групи, притоа згрижува 387 деца, додека 40 дечиња се на листа на чекање, заради недостаток на персонал за работа. Бројот на деца е алармантно висок, се згижуваат двојно повеќе деца во група од бројот на деца кој е предвиден во Законот за заштита на децата.

​Детската градинка Виножито се соочува со недостаток на најмалку 10 даватели на услуги (воспитувачи и негуватели) и 3 друг технички кадар за нормално функционирање.

​Детската градинка Детска радост се соочува со недостаток на 14 извршители сите по основ на испразнето место, за кои не е добиен позитивен одговор од Министерството за финансии.

​Недостатокот на лиценциран кадар е дополнителен проблем за функционирањето на детските градинки низ целата држава. Од преземањето на Министерството за труд и социјална политика од страна на техничкиот министер- 28.01.2024 г. (впрочем истиот сега е заменик министер) сеуште не може да се реши проблемот и да се откочи процесот на лиценцирање на даватели на јавни услуги во градинките, и повеќе од 15 месеци нема полагање за лиценца за работа во градинка (кој е услов за вработување или било какво ангажирање на лице во детска градинка).

​Сите наведени недостатоци влијаат на процесот на згрижување и всопитување на децата во општина Струмица, квалитетот на услугите и неможноста да се згрижат сите дечиња во детските градинки, а чии родители имаат неопходна потреба од тоа. Овој инает не оди на добро за министерката за финансии. Принудени сме како град, сите да размислуваме на одредени чекори и постапки за да си ги заштитиме децата“ – стои во објавата на Фејсбук.