Израелски тенкови навлегоа длабоко во јужен Либан, јави либанска новинска агенција

Израелски тенкови денеска навлегоа во најдлабоката длабочина во јужен Либан од почетокот на војната, стигнувајќи до периферијата на градот Хиам, на околу шест километри од границата, јави официјалната либанска новинска агенција.

„Голем број тенкови на израелската окупациска армија“ беа позиционирани на рид источно од Хиам, посочува агенцијата.

Израелската армија почна копнена операција против Хезболах на 30 септември, заедно со интензивните воздушни напади во неколку области на Либан.

Хезболах соопшти дека истрелал ракети врз израелските војници јужно од Хиам, а потоа ги нападнал израелските војници југоисточно од градот со артилериски гранати и ракети.

Од почетокот на копнената операција, израелските војници упаднаа во неколку погранични села во Либан, уништувајќи куќи и тврдејќи дека ги уништуваат тунелите на Хезболах, пред да се повлечат.

Истовремено, израелската армија извршува напади во јужен и источен Либан, како и во јужните предградија на Бејрут – упоришта на проиранската група Хезболах.