Ист рефрен, различни актери: Меџити вели нема да има амнестија за политичката корупција

Првиот човек на Демократското движење, Изет Меџити, на прославата на годишнината од формирањето на парт ијата, рече дека пред една година многу работи изгледале невозможни и неостварливи, но денес, како што додаде, Движењето е распространето на целата територија на државата. Според него, демократијата е обновена и режимот ги прави последните чекори пред целосен колапс.

„Пред една година политичките промени изгледаа утопија, партиската инфраструктура беше ставена во институциите, обвинителството, судството под партиски наредби, медиумското царство составено од фиктивни портали со штабови во министерствата за пропаганда, малкумина даваа надеж дека е можна промена. Но, денес, една година подоцна, демократијата е обновена, режимот ги прави последните чекори пред неговиот целосен колапс“, вели Меџити.

Само два месеци по формирањето на Владата почнаа промените, рече Меџити, додавајќи дека ова и пречи на актуелната опозиција.

„Тоа ги кочи затоа што нема да има амнестија за политичката корупција, ги кочи затоа што ќе има одговорност за соживот на криминалот со политиката, ги кочи затоа што ќе има непристрасна истрага за секој голем, инфраструктурен проект за кој големи комисии се платени, ги спречува затоа што коцкарската империја почна да се распаѓа, ги спречува затоа што ќе се разоткрие измамата на луѓето што ја прават 20 години“, изјави Меџити.

Маџити конечно рече дека напорите на опозицијата за исценирање на криза и незадоволството се веќе прочитана книга . Според него, европеизацијата на општеството е веќе започната и нема никоја да ја спречи.