И Радев бара да престане „дискриминацијата на Бугарите“ во Македонија

Исполнувањето на критериумите од Копенхаген е задолжителен услов за почеток на преговорите на РС Македонија за членство во Европската унија. Очекувам одржлив и неповратен крај на дискриминацијата на Бугарите во РС Македонија, изјави претседателот Румен Радев за време на состанокот со Петар Колев, лидер на Граѓанскиот демократски сојуз во Македонија.

„Многу го ценам придонесот на претседателот Стево Пендаровски и на премиерот Зоран Заев за продолжување на дијалогот на највисоко ниво. Сепак, време е овие први чекори да ги стимулираат институциите и политичките партии во РСМ да се посветат на реализирање на огромниот потенцијал во нашите билатерални односи, а не да акумулираат нови проблеми “, рече Радев.

Тој истакна дека директниот дијалог на сите нивоа меѓу Бугарија и РСМ е исклучително важен за решавање на отворените прашања меѓу Софија и Скопје. „Тој нема алтернатива во барањето полноправно членство во ЕУ“, додаде Радев.

„Исполнувањето на критериумите во Копенхаген е предуслов за почеток на преговорите меѓу РС Македонија и Европската унија. Убеден сум дека со заеднички напори можеме да го постигнеме тоа, бидејќи Бугарија е најзаинтересирана страна за забрзување на процесот на европска интеграција на РСМ. Очекуваме одржлив и неповратен прекин на дискриминацијата кон Бугарите во РСМ. Јазикот на омраза очекуваме да биде отстранет од учебниците по историја, во натписите на историските споменици, во музеите, во јавните медиуми “, рече претседателот Радев.

Од своја страна, Петар Колев му се заблагодарил на Радев за средбата, велејќи дека тој е првиот бугарски државник што побарал мислење од  Бугарите што живеат во РСМ. Колев истакнал дека Бугарите во РСМ сакаат интеграција на земјата во ЕУ, но  преговорите не можат да се одржат доколку Скопје нема отворен разговор со братска Софија, со бугарските институции и политичари.

„Ова не може да се случи ако продолжи процесот на дискриминација на луѓето кои се самоидентификуваат како Бугари во РСМ. Ова не може да се случи ако ние како општество не работиме против силниот говор на омраза не само кон Бугарија, туку и кон Бугарите што живеат во РСМ “, рекол лидерот на партијата Граѓански демократски сојуз во име на незначителниот брј на граѓани што се декларираат како Бугари во Македонија.

Колев рече дека ќе побара официјална средба со македонскиот претседател и премиер.

„Ние ќе побараме официјална средба со македонскиот претседател и премиер, на која ќе ги аргументираме своите ставови за тоа како можеме да ги решиме овие прашања. Граѓаните на РСМ, кои се дефинираат како Бугари, можат да бидат една од многуте можности и мостови за решавање на овие проблеми и можност за побрза и динамична интеграција на РСМ во ЕУ “, нагласил Колев.