Хаос во Италија. Петмина загинати во пожари и невреме
Најмалку пет лица загинаа во Италија во невремето на северот и шумските пожари на Сицилија, поради што владата прогласи вонредна состојба во најтешко погодените области.
„Со голема тага ја примив веста за два несреќни случаи предизвикани од невремето, во кои животот го загуби шеснаесетгодишно девојче во извиднички камп во Бреша (на север) и жена во Лисоне (во северот) која беше удрена од дрво“, напиша премиерот Џорџо Мелони во пораката на Твитер.
Град и дожд во Милано, ветерот корнеше дрвја, историскиот центар на градот привремено без вода
Силен ветер кој дуваше со брзина од 110 км/ч, силен дожд и град вчера рано утрото се спуштија во Милано, економскиот центар на земјата, поплавувајќи ги улиците и откорнаа дрвја, кои во голем број паднаа на коловозот.
Локалното јавно транспортно претпријатие пријавило сериозни оштетувања на електричната мрежа, а новинар на АФП пријавил привремен прекин на водоснабдувањето во историскиот центар на градот.
Wildfires are currently devastating several parts of the Mediterranean basin’s coasts and islands. Algeria, Tunisia, Italy, Greece are fighting fires
This is Sicilypic.twitter.com/qO3rb79nzM
— Massimo (@Rainmaker1973) July 25, 2023
На Сицилија избувнаа пожари, двајца пензионери изгореа во својата куќа
Додека на северот на полуостровот беснее невреме, југот го зафати топлотен бран со температура од 47,6 степени Целзиусови, кој беше измерен во понеделникот во Катанија, Сицилија, соопшти локалната цивилна заштита.
Изгорените тела на двајца 70-годишни мажи се пронајдени во куќа која се запалила, а 88-годишна жена починала во близина на Палермо, пишуваа синоќа весниците.
Освен тоа, сицилијанските пожарникари се бореа со неколку пожари во вторникот вечерта, а еден пристигна во близина на аеродромот во Палермо, кој беше затворен неколку часа во текот на утрото.
Претседателот на сицилијанската област Ренато Скифани изјави дека ќе побара од владата, која заседава денеска, да прогласи вонредна состојба на медитеранскиот остров.
Паѓаше град со големина на диња
Снимките објавени на социјалните мрежи покажуваат пожар покрај автопат во близина на Сиракуза со збунети патници кои гледаат, додека на интернет се појави фотографија од необично парче мраз од 19 сантиметри што падна во Ацано Децимо, во близина на Порденоне, на североисток, во понеделникот вечерта.
The considerable size of the the hailstones fallen in Friuli, Northern Italy, on July 24, 2023
[📹 TeleFriuli]pic.twitter.com/ZE1oEekYhy
— Massimo (@Rainmaker1973) July 26, 2023
Поради пожарот во прекин е и железничкиот сообраќај. „Климатското нарушување што ја погоди нашата земја бара од сите нас, без исклучок, да го промениме нашето однесување“, рече министерот за цивилна заштита Нело Мусумечи.