Хан: Дојде време Западен Балкан да се придружи на ЕУ

Европскиот комесар за проширување и добрососедски односи, Јоханес Хан смета дека е дојдено времето Западен Балкан да се интегрира во Европската унија.

Тој, на „Твитер“, по повод одбележувањето на 15-годишнината од приемот во ЕУ на 10 земји од средна и источна Европа, напиша дека тоа е амбициозен проект заснован на заедничките напори и визија да се обезбедат мирот, просперитетот и безбедноста за сите граѓани во ЕУ.

„Оваа визија се оствари и време е да гледаме напред и да го финализираме историскиот прект за обединување на Европа и интеграција на Западен Балкан. Сигурен сум дека со заеднички напори тоа ќе биде успешна приказна за двете страни. Заедно сме посилни“, напиша Хан.

This vision came true and now is the time to look forward and to finalise the historic project of #European unification by integrating the #WesternBalkans. I am sure that – with joint efforts – it will be a success story, too, for both sides! #EU – #WB: stronger together! 2/2

— Johannes Hahn (@JHahnEU) May 1, 2019