„Форд“ остана без чипови, сопре производството на „мустанг“
Компанијата „Форт мотор“ соопшти дека поради недостаток на полупроводнички чипови следната недела ќе сопре производството во нивната фабрика во Флет Рок, каде се склопува моделот „мустанг“.
„Форд“, вториот најголем производител на автомобили во САД, порано објави дека планира оваа недела да го сопре производството во тој погон на два дена, пренесе Ројтерс. Порталот Automotive News порано јави дека производството во таа фабрика е намалено.
Од „Форд“ рекоа дека произвеле 53.000 возила, но дека не ги испорачуваат затоа што чекаат завршни делови кои доцнат поради недостигот на чипови.