Филипче му ја честиташе победата на Трамп
Претседателот на Социјалдемократскиот сојуз на Македонија, Венко Филипче, упати честитка до Доналд Трамп за победата на изборите во САД.
Филипче ја објави честитката на својот Фејсбук профил
„Убеден сум дека под негово водство стратешкото партнерство меѓу САД и Северна Македонија ќе продолжи и ќе се продлабочи. Северна Македонија и Соединетите Американски Држави имаат долгогодишни врски на пријателство и соработка, и верувам дека тие ќе се развијат уште повеќе, кон наш взаемен напредок и благосостојба“, напиша Филипче.
Рано утринава честитки до Трамп за победата упатија премиерот Христијан Мицкоски и министерот за надворешни работи Тимчо Муцунски.