ЕУ одобри историски закон: Технолошките гиганти ќе бидат одговорни за објавување нелегална содржина на нивните платформи

Европската унија одобри нов закон кој ќе изврши притисок врз големите технолошки гиганти како Мета, Гугл и Твитер да бидат поодговорни за нелегалната содржина на нивните платформи или потенцијално да ризикуваат да платат драконски казни.

По околу 16 часа преговори, ЕУ рано во саботата во Брисел постигна договор за Законот за дигитални услуги, значаен закон кој бара компаниите поагресивно да ја следат нивната содржина и брзо да отстрануваат се што се смета за штетно или нелегално.

„Нашите нови политики ќе ги заштитат онлајн корисниците, ќе обезбедат слобода на изразување и деловни можности. Она што е нелегално офлајн, всушност ќе биде нелегално онлајн во ЕУ. Силен сигнал до луѓето, компаниите и земјите ширум светот“, напиша на Твитер претседателката на ЕУ Урсула фон дер Лајен.

Today’s agreement on #DSA is historic.

Our new rules will protect users online, ensure freedom of expression and opportunities for businesses.

What is illegal offline will effectively be illegal online in the EU.

A strong signal for people, business & countries worldwide.

— Ursula von der Leyen (@vonderleyen) April 23, 2022

Историското гласање доаѓа повеќе од една година откако ЕУ ги претстави Законот за дигитални услуги (DSA) и Законот за дигитални пазари (DMA) во Европскиот парламент, кои ЕУ ги одобри минатиот месец и се обидува да ја ограничи маркетиншката моќ на големите технолошки компании. ЕУ соопшти дека тоа е првиот закон во светот кој таргетира дигитална регулатива.
Неговата цел е да го заштити дигиталниот простор од ширење на нелегална содржина и да обезбеди заштита на основните права на корисниците, соопшти ЕУ. Платформите со повеќе од 45 милиони активни корисници месечно во ЕУ се предмет на овој закон, го пренесе Дневник.хр пишувањето на USA Today и The Verge. 

🎉‼️ @EUCouncil and @Europarl_EN have just reached a provisional agreement on the Digital Services Act

The #DSA will help to keep the digital space safe from illegal goods, content and services, and to protect fundamental rights online 👩‍💻

More 👇

— EU Council Press (@EUCouncilPress) April 23, 2022

Критичен дел од законот ќе го ограничи начинот на кој големите технолошки гиганти ги таргетираат корисниците со онлајн реклами. DSA ефикасно би ги спречил платформите да таргетираат корисници со алгоритми кои користат податоци врз основа на нивниот пол, раса или религија. Дополнително, ќе биде забрането таргетирање на деца со реклами.

Новиот закон на ЕУ ќе влијае на популарните платформи за содржини генерирани од корисници, вклучувајќи ги Фејсбук и Инстаграм, компаниите во сопственост на Мета, како и Твитер, ТикТок и Јутјуб.

Законот на ЕУ наиде на пофалби од другата страна на Атлантикот

„Ова е голем момент за технолошката политика ширум светот“, рече Џим Стејер, извршен директор на Common Sense Media со седиште во Сан Франциско, непрофитна група за застапување за деца и семејства.

Стејер во изјавата рече дека законот е „монументален момент“ во глобалната борба за заштита на децата и семејствата од интернет штетата предизвикана од овие нерегулирани платформи.

„Европратениците направија голем чекор кон тоа интернетот да биде побезбеден за децата и тинејџерите. Пратениците овде дома мора да се погледнат во огледало и брзо да дејствуваат за да ги заштитат нашите деца и нашата демократска иднина. Сега е време Конгресот и администрацијата на Бајден да дејствуваат“, рече Стајер.

Конечниот текст на DSA допрва треба да биде објавен, но Европскиот парламент и Европската комисија детално наведоа голем број обврски кои ќе вклучуваат:

– Забрането е насочено рекламирање врз основа на религија, сексуална ориентација или етничка припадност на поединец. Малолетниците исто така не можат да бидат предмет на насочено рекламирање.

– „Dark Patterns“ – збунувачки или измамнички кориснички интерфејси дизајнирани да ги насочат корисниците да направат одредени избори – ќе бидат забранети. ЕУ вели дека откажувањето од претплатата, по правило, треба да биде исто толку едноставно како да и регистрирањетоза неа.

– Големите онлајн платформи, како што е Facebook, ќе треба да ја направат работата на нивните алгоритми за препорака (на пример, кои се користат за категоризација на содржината на News Feed или предлагање ТВ емисии на Netflix) транспарентна за корисниците. На корисниците треба да им се понуди и систем за препораки „кои не се темелат на профилирање“. Во случајот на Instagram, на пример, тоа би значело хронолошки feed (како што неодамна беше воведен).

– Услугите за хостирање и интернет платформите ќе треба јасно да објаснат зошто отстраниле нелегална содржина, како и да им дадат можност на корисниците да се жалат на таквите отстранувања. Самиот DSA не дефинира која содржина е нелегална, но тоа им го остава на поединечни земји.

– Најголемите онлајн платформи ќе треба да им обезбедат на истражувачите клучни податоци за да обезбедат подобар увид во тоа како еволуираат онлајн ризиците.

– Интернет пазарите мора да ги чуваат основните информации за трговците на нивната платформа за да се пронајдат поединци кои продаваат нелегални стоки или услуги.

– Големите платформи ќе треба да воведат и нови стратегии за справување со дезинформациите за време на кризи (одредба инспирирана од неодамнешната инвазија на Украина).