ЕУ објави 54 проекти што ги финансира на Балканот
Од 2020 година, ЕУ одобри вкупно 54 проекти во рамките на економскиот и инвестицискиот план во обкаста транспортот, енергијата, животната средина, дигиталниот, човечкиот капитал и поддршката од приватниот сектор кои генерираат инвестиции од 8 милијарди евра. Листата на проекти е преставена графички и е фасцинирачка. Материјалот од над 30 страници можете да го видите на следниот линк:
Инаку, ЕК денеска одобри нов финансиски пакет во висина од 2,1 милијарди евра, да поддржи 14 водечки инвестициски компании и приватниот сектор во земјите од регионот.
– Одобрувањето на новиот инвестициски пакет е јасна порака дека партнерите од Западен Балкан имаат иднина во ЕУ и оти е постигнат стабилен напредок во затворањето на јазот во економски развој, истакна европскиот комесар за проширување, Оливер Вархеји.
Пакетот содржи 528 милиони евра грантови од ЕУ од Инструментот за претпристапна помош (ИПА три), дополнителни билатерални придонеси од членките на ЕУ и Норвешка, заеми од меѓународни финансиски институции и придонеси од економиите на Западен Балкан.
Со новиот финансиски пакет поддржани се изградбата на Коридорот осум и зголемувањето на енергетската ефикасност во Северна Македонија. Исто така финансиска поддршка е предвидена за изградба на делници од автопатот на Коридорот 5ц во БиХ, за рехабилитација на хидроцентралите во Србија и БиХ и за воведување на еколошки јавен превоз во Тирана.
Петтиот инвестициски пакет во рамките на Економскиот и инвестицискиот план на ЕУ за Западен Балкан ќе ги поддржи транспортните, енергетските, животната средина и компаниите за човечки капитал.
Целта на економскиот и инвестицискиот план на ЕУ за Западен Балкан во износ од 30 милијарди евра инвестиции, вклучително и до девет милијарди евра грантови од ЕУ, е да се поттикне долгорочното закрепнување, да се забрза зелената и дигиталната транзиција и поттикнување на регионалната соработка и зближување на ЕУ.