Ема Вичар (23) е мис Хрватска за 2025

Синоќа, во Загреб беше избрана нова Мис на Хрватска. Оваа година, титулата ја освои Ема Хелена Вичар.

Победничката ќе ја претставува Хрватска на 73-от избор за Мис на светот, најстариот и највлијателен избор за убавина на глобално ниво. Лентата ѝ ја врачи поранешната Мис на Хрватска, Томислава Дукиќ.

За новата Мис на Хрватска

Ема Хелена Вичар е Мис на Загребската жупанија. Има 23 години и потекнува од Загреб. Моментално живее во Монако, каде што магистрира менаџмент на луксузни брендови на Меѓународниот универзитет во Монако. Дипломирала на Одделот за меѓународен бизнис на Универзитетот Либертас и на Бизнис школата „Експерта“, со насоки односи со јавноста и дигитален маркетинг.

Редовно вежба, тренира пилатес и навивање, а претходно се занимавала со танц и гимнастика. Нејзината цел е да ги мотивира младите жени да веруваат во себе, да инвестираат во знаење и да останат автентични без оглед на притисокот.