Еден загинат и двајца повредени во руски напад врз Киев
Едно лице загина, а две се повредени при руски ракетни напади што ја погодија украинската престолнина Киев изминатата ноќ, соопштија денеска локалните власти.
Нападите погодиле четири делови од градот, а оштетени се станбени згради, супермаркет, влез на метро-станица и основно училиште каде што избувнал и пожар, изјави градоначалникот на Киев, Виталиј Кличко.
Жртвите ги потврди началникот на воената администрација на градот, Тимур Ткаченко.