Џафери: Доколку не се изгласа недоверба на Влада, наредните три месеци не може повторно да се гласа

Доколку не ѝ се изгласа недоверба на Влада, наредните 90 дена не може да има повторно гласање за ова прашање, изјави вечерва во Клик Плус собранискиот спикер Талат Џафери.

– Јасни се процедурите. Има седница закажана во четврток. Седницата мора да има епилог. Епилогот може да биде, се гласа недоверба – паѓа Владата, не се гласа недоверба – не паѓа Владата. После тоа наредните 90 дена не може да има повторно гласање за недоверба. Затоа е даден рок од 90 дена, рече Џафери.

Процедурата, како што посочи е отпочната и појасни дека ако сега се повлече барањето за гласање на недоверба на Влада, нема право за повторно барање за гласање недоверба во наредните 90 дена .

Седницата за гласање на доверба на Влада е закажана за в четврток во 11 часот.

Според Џафери премиерот и претседател на СДСМ Зоран Заев направил добро што не се повлече од функциите.

– Ова го кажувам како дел од актуелното мнозинство. Не треба да се води од моментални емоции. Треба да се координира и да продолжи да ги води институциите. Не треба да носи емотивни одлуки, има одговорност да ја води Владата, Институциите треба да функционираат нормално. Ова е враќање назад. Правиме еден чекор напред, два назад, рече Џафери.