Двајца загинати, четворица повредени во автобуска несреќа во источна Германија

Две лица загинаа, а четири се повредени кога автобус денеска се преврте на снежен автопат во североисточна Германија, јави ДПА повикувајќи се на полиција.

Во несреќата на автопатот А11 учествувал автобус кој патувал за Полска, изјави портпаролката на централата на полицијата во Бранденбург, Беате Карделс. Таа не прецизираше од каде тргнал автобусот.

Според првичните сознанија, други возила не биле вклучени во сударот. Вкупно 14 или 15 луѓе биле во автобусот, кој се превртел на страна.