ДКСК покрена предмет против Ивица Коневски, присвоил 312 метри квадратни простор
Државната комисија за спречување на корупцијата (ДКСК) денеска донесе одлука да достави предмет до Основното јавно обвинителство, како и до Финансиска полиција, против поранешниот градоначалник на Аеродром, Ивица Коневски, за искористување на градоначалничката функција и да го смени деталниот урбанистички план кај Мајчин дом и на местото каде било впишано зеленило, да се впише 9-катница.
Од Антикорупциска го сомничат Коневски дека за лична корист – добивање на деловен простор од 312 метри квадратни, ја искористил функцијата градоначалник и место зеленило, нацртал зграда.
„Овој предмет е оформен по сопствена иницијатива, по допрен глас, за изградба на зграда кај Мајчин дом. Во време на владеењето на градоначалникот Ивица Коневски бил сменет Деталниот урбанистички план на начин што се избришало зеленилото, а се впишала маркица за 9-катна зграда. Подоцна Коневски станал сопственик на простор од 312 метри квадратни, кој договор го склучил со сопственикот „ЗПС Комерц“. Навел дека ќе го исплател преку договорен закуп со фирмата ‘Тинекс’ на 12 години и со ‘Авицена’ како закупец, за периодот од 2022 до 2027 година“, рече Ивановска на последната седница на комисијата.