Денеска паѓа рекордот по број на гледачи на ракометот, Македонија игра пред 50.000 навивачи
Во Германија денеска започнува Европското првенство во ракомет, а во центарот на вниманието на стартот ќе биде пресметката на германската и швајцарската селекција која ќе се одигра на фудбалскиот стадион во Дизелдорф, пред рекорден број гледачи. Претходно, на истиот терен ќе се соочат Франција и Македонија.
На споменатата средба ќе биде соборен светскиот рекорд по посетеност, бидејќи во Меркур Шпил-Арената се очекуваат повеќе од 53.000 навивачи.
Организаторите презедоа амбициозен ризик со организирање на воведните два меча во Меркур Шпил-арената, а Франција и Северна Македонија први ќе излезат на паркетот.
Поради ова, фудбалскиот стадион ќе се претвори во огромна ракометна арена само за тие два дуели и свеченото отворање.
Тревникот на фудбалскиот стадион каде игра второлигашот Фортуна е отстранет, а поставени се околу 9.000 столчиња за да се сместат што повеќе навивачи.
The stage for the 𝒃𝒊𝒈𝒈𝒆𝒔𝒕 handball event is almost set 🤩 Can’t wait to see Merkur Spiel-Arena hosting more than 50.000 handball fans🔥🔝#ehfeuro2024 #heretoplay pic.twitter.com/WtQyzl0Gvv
— EHF EURO (@EHFEURO) January 7, 2024
ЕХФ објави видео на кое се гледа трансформацијата од фудбалски стадион во најголема ракометна сала во светот за 15 секунди, а досегашниот ракометен рекорд го држи натпреварот меѓу Ловен и Хамбург кој го следеа 44.189 гледачи.
Turning a football stadium into the biggest handball stage in 15 seconds 🤩🔥#heretoplay #ehfeuro2024 pic.twitter.com/jZETEHBmvi
— EHF EURO (@EHFEURO) January 9, 2024
Што се однесува до системот на натпреварување, од секоја група одат првите две екипи, а потоа ќе се формираат две нови групи од кои двете најдобри селекции ќе се пласираат во полуфиналето.