Дедо Мраз зарази со коронавирус 118 лица во белгиски дом за стари лица

Белгија– Дедо Мраз, кој посети дом за стари лица во Белгија, со коронавирус зарази 118 лица.

Според локалните медиуми, син на корисник на дом за стари лица во градот Антверпен, во костум на Дедо Мраз, го посетил домот за да ги развесели корисниците.

Меѓутоа, кратко по посетата, 45 лица кои биле во близок контакт со него, почнале да покажуваат симптоми на инфекција.

Неколку дена по посетата на Дедо Мраз, вирусот е потврдена кај 98 корисници на домот за стари лица и 20 вработени.

Фотографиите направени за време на посетата покажуваат дека голем број луѓе не носеле заштитни маски.