Дали „иницијативата“ на Мицкоски за македонскиот јазик беше фарса?

Поранешниот специјален координатор за Отворен Балкан, Марјан Забрчанец, по отфрлањето на одредницата за македонскиот јазик и идентитет во амандманот за извештајот на Европскиот парламент, го поставува прашањето дали „иницијативите“ на Христијан Мицкоски за меѓународна верификација на македонскиот јазик и идентитет се обична фарса која е однапред осмислена да заврши со неуспех?

Во својата објава на Фејсбук Забрчанец ги наведува поспецифичните настани поврзани со македонскиот јазик во последниве осум години.

– 01.08.2017 – Република Македонија и Република Бугарија потпишаа Договор за добрососедство на македонски јазик

– 17.06.2018 – Република Македонија и Република Грција го потпишаа Договорот од Преспа со кој се потврдува македонскиот јазик и идентитет. Според членот 7 од Договорот, македонскиот идентитет ги отсликува нашата територија, јазик, народ, со сите атрибути, со своја историја, култура и наследство. Според членот 1 (3) од Договорот, официјален јазик на нашата држава е „македонски јазик“ кој е преведлив на сите јазици (на пример, на англиски јазик „Macedonian language“). Без никаква фуснота со дообјаснување. Македонскиот јазик е потврден – идентитетот е зачуван

– 2019 – При промената на уставното име, Обединетите нации го потврдуваат македонскиот јазик како единствен официјален јазик за меѓународна употреба, во личната карта на Република Северна Македонија

– 07.2022 – Усвоена е преговарачката рамка меѓу МК и ЕУ, јазикот јасно именуван како македонски

– 28.07.2022 – Официјално регистриран Центарот за македонски јазик во Грција“

– 26.10.2022 – Потпишан е Фронтекс – Прв договор меѓу Северна Македонија и Европската унија потпишан на македонски јазик

– 19.03.2023 – Основниот суд во Лерин фицијално одби повеќе барања/тужби за поништување на првичната одлука за одобрување на барањето за неговата регистрација

– 15.06.2023 – Бундестагот ја изгласа резолуцијата за поддршка на македонскиот јазик, култура и идентитет

– 09.2023 – Мичиген и Илиноис го прогласија септември за месец на македонската култура во САД

– 17.06.2024 – Нимиц: „Посебноста на македонскиот јазик е светски призната и потврдена, не може да се преговара за нечиј идентитет“