Четворица повредени во напад со нож во Тел Авив, напаѓачот убиен

 Четири лица се повредени во напад со нож во Тел Авив, соопштија израелските служби за итна помош, пренесе ДПА. Напаѓачот бил застрелан од случаен минувач на местото на инцидентот.

Нападот се случил во центарот на градот, во популарна област со многу ресторани и кафулиња. Полицијата не ја исклучува можноста дека станува збор за терористички напад.

Ова е втор напад со нож во Тел Авив за четири дена. Минатата сабота, уште еден човек беше тешко повреден во сличен инцидент, а осомничениот напаѓач беше застрелан од вооружен минувач.