Цените на златото се на ново рекордно ниво
Поради напнатата геополитичка ситуација во светот, цената на златото утринава порасна за 0,42 отсто, на ново рекордно ниво од 2741,9 долари за унца. Расте и цената на среброто, утринава за 1,3 отсто, на 34,08 долари за унца, што е највисоко ниво од крајот на 2012 година.
„Сегашното пазарно опкружување, со пад на каматните стапки и зголемени геополитички ризици, е сценарио кое го поддржува растот на цената на златото на двете страни“, објаснува Тим Вотерер, аналитичар во KCM Trade.
На европските берзи утринава најважните индекси осцилираат помеѓу позитивна и негативна територија, додека инвеститорите ги следат засилените тензии на Блискиот Исток, поради што расте побарувачката за злато, чија цена достигна ново рекордно ниво .
По двонеделен пораст, паневропскиот индекс Stoxx 600 беше во плус околу 9:30 часот со благ раст од 0,04 отсто. Истовремено, франкфуртски DAX падна за 0,26 отсто, на 19.606 поени, а париски CAC за 0,16 отсто, на 7.601 поен, додека лондонскиот Ftse индекс се зголеми за 0,24 отсто, на 8.378 поени.
За нови насоки, инвеститорите го чекаат објавувањето на деловните резултати на германскиот софтверски гигант SAP, чии акции имаат удел од 15 отсто во DAX.
Во меѓувреме, цената на реосигурителот Munich Re падна најмногу, за повеќе од 2 отсто, откако брокерската компанија Jefferies ја намали рејтингот на таа акција на „задржување“.
На токиската берза индексот Никеи во понеделникот се лизна за 0,07 отсто, на 38.954 поени.