Цел Холивуд на гала вечерта на Филмскиот музеј во Лос Анџелес (фото)

Лос Анџелес- Не беа Оскари, ама беше гламурозно како оскаровската ноќ на црвениот ќилим. Вечерта беше со изразен гламур и луксуз, па такви беа и креациите  – видовме многу елегантни, убави фустани, со потпис на врвни дизајнери и куќи.

Сега во својата петта година, гала настанот исполнет со ѕвезди собира средства за изложбите на музејот, образовните програми и јавните иницијативи.

Вечерта, исто така, им оддаде почит на влијателните креативци кои оставиле траен белег на индустријата – и во текот на нивните кариери и во изминатата година. Меѓу овогодинешните почестени беа Брус Спрингстин, Пенелопе Круз, Валтер Салес и Бовен Јанг. Директорката и претседателка на Музејот на Академијата, Ејми Хома, ја пофали групата како „раскажувачи чие влијание е докажано дека резонира во филмот и пошироко“, според Deadline.

Спрингстин не само што настапи, туку ја доби и првата награда „Наследство“, во чест на „уметник чие дело инспирирало генерации раскажувачи и длабоко влијаело врз нашата култура“.

Копретседатели на годинешната гала вечер беше моќна група: Џон М. Чу, Виола Дејвис и Џулиус Тенон, Комон, Роберт Дауни Џуниор и Сузан Дауни, Џенифер Хадсон и Алехандро Рамирез Магања.
Погледнете ги најдобрите изгледи на најголемите ѕвезди на Галата на Филмскиот музеј во Лос Анџелес.