Бугарскиот културно-информативен центар доби нови простории во Скопје (Галерија)
Со одмерена свеченост Културно-информативниот центар на Бугарија денеска ги отвори новите простории лоцирани во самото срце на Скопје, кај порано познатиот „Ловец“ на улицата „Никола Вапцаров“. Центарот официјално е под надлежност на бугарското министерство за култура.
На отворањето присуствуваа министрите за култура на двете држави, Бисера Костадиновска-Стојчевска и Велислав Минеков. Беше присутен и лидерот на националистичката паратија Преродба, Костадин Костадинов, копретседателот на историската комисија, Ангел Димитров, како и повеќе други бугарски личности кои имале некаква врска со Македонија, како новинари или други општествени работници. Имаше и љубопитни македонски граѓани.
„Со новиот објект на Културно-информативниот центар на Бугарија во Скопје да се отвори нова енергија во меѓусебните односи за културен натпревар и за победа на креативноста. Бугарскиот КИЦ во Скопје и нашиот во Бугарија имаат за цел да нѐ доближат како народи и култури. Отворете ги ширум портите на културата“, рече на отворањето министерката Костадиновска-Стојчевска.
