Авион се урна врз куќа на Флорида: Има загинати, а избил голем пожар (видео)
Авионот Beechraft Bonanza V35 се урна во населбата во четвртокот вечерта, а веднаш избувнал огромен пожар.
Несреќата се случила околу 19 часот во реонот на Бејсајд Естејт, каде има голем подвижен парк за домови. Се уште не е познат точниот број на загинати.
По падот на авионот куќите се запалиле, јавува CBS.
Пронајдени се остатоците од авионот, а пожарникарите потврдија дека неколку луѓе загинале во авионот и во куќата каде што се урнал авионот.
„Можам да потврдам дека неколку лица загинаа од авионот и во мобилниот дом. Работиме да се осигураме дека нема повеќе штета или повредени, а засега имаме ограничени информации“, изјави шефот на противпожарната служба Скот Елерс.
We’re on scene of a small plane crash at a mobile home park south of Clearwater Mall. Multiple mobile homes have caught fire. Firefighters from multiple jurisdictions are on scene. pic.twitter.com/1vBLnTnY8R
— Clearwater Fire & Rescue Department (@clearwaterfire) February 2, 2024
Пилотот пријавил дефект на моторот пред падот
„За време на разговорот со воздушната кула, воздушната кула ги изгуби од радарот, на околу три милји северно од пистата“, додаде Елерс.
Федералната управа за авијација (FAA) и Националниот одбор за безбедност на транспортот ќе спроведат истрага.