Алфа Ромео 4Ц добива електричен наследник

Еден од најубавите роудстери на овој милениум би можел да добие наследник.

Ако Alfa Romeo понуди наследник на 4C, тоа ќе биде првиот познат ривал на претстојниот Porsche Boxster, кој исто така стана електричен во последното издание. Адутот на Alfa веќе е наречен 4E Spider бидејќи шефот на Alfa, Даниел Гузафаме, претходно изјави дека можеби ќе го задржат името Spider за новиот спортски модел.

„Има некои работи од Alfa Romeo кои не ги убиваме: едното е Spider, а другото е љубовта кон автомобилите“, изјави тој за Autocar. „Сè уште ги сакаме бидејќи тоа е бренд. И тоа е во нашите идеи, па да видиме дали можеме да го реализираме тој план“, додаде тој.

Гузафаме откри дека новиот модел можеби ќе најде инспирација во 33 Stradale, но и во Duetto Spider, кој Пинифарина го дизајнираше во 1960-тите. Она што е апсолутно сигурно е дека новиот модел нема да пристигне пред 2027 година.

Истовремено, ќе ја задржи препознатливата привлечност на Alfa кога е во прашање чувството за возење. „Не е она што го слушате, туку она што го чувствувате“, рече тој. Запрашан за профитабилноста на таков автомобил, тој рече: „Алфа Ромео е Spider, а кога мислите на Spider, мислите на Алфа Ромео. Ние сме доволно стабилни во моментов и ја имаме вистинската основа“, заклучи тој.