,,Акустично као некада”: Најдоброто од „Галија“ на концерти во Филхармонија

Премиерно во Скопје, проектот ,,Акустично као некада”, или, ако подобро сакате, проектот ,,Unplugged: Best of Галија”, на 15 декември во 20 часот, во совршен простор за овој настан – Македонска филхармонија, најавува организаторот „Авалон“. Поради голем интерес, ќе има и втор концерт, утревечер, на истото место.

„Првиот концерт во Скопје од страна на Авалон Продукција беше организиран во Куршумли Ан, на 28ми август, 1993 со Електрични Оргазам. Вториот концерт требаше да биде на истото место, на 11 септември, 1993та, со Галија. Пред отворање на вратите, се споија небо и земја и одржувањето на концертот беше невозможно. Концертот никогаш потоа не се одржа.

Не само што не се одржа, туку, верувале или не, добри 30 години, патиштата на Авалон и Галија во меѓувреме никогаш за ништо не се сретнаа?!

Но, нормално, секој отворен круг… мора да се затвори.Време е за никогаш неодржаниот концерт на Галија!, велат од Авалон. 

Еден од ретките бендови од регионов кој не само што има огромен број на одлични албуми и безвременски хитови, туку и во живо звучи добро како најдобрите светски бендови од тој тип.

,,Још увек сањам”, ,,Дигни руку”, ,,Да ли си спавала”, ,,Трубе”, ,,Корак до слободе”, ,,Када ме погледаш” се навистина легендарни песни и ќе биде огромно задоволство да ги слушнеме, заедно со уште многу други во акустична варијанта на Неша и осумчлената екипа.