Пукна цевка во поранешната зграда на „Нова Македонија“, без струја повеќе институции

Директорот на Службата за општи и заеднички работи (СОЗР) на Владата, Ивица Томовски, за СДК изјавил дека објектот не е во нивна надлежност, туку СОЗР се грижи само за хигиената и за лифтовите.

„Според првичните неофицијални информации, пукната е топловодна цевка. Испративме и наша екипа на терен за да се реши што е можно побрзо дефектот“, рекол Томовски.

Во објектот се сместени Министерството за образование и наука, Министерството за локална самоуправа, Министерството за јавна администрација, Државниот просветен инспекторат, Комисијата за заштита на конкуренцијата и Управата за водење на матичните книги.