(ВИДЕО/ФОТО) „Објект 99“: Титова вила за која знаеле само неколкумина одбрани

Вилата „Извор“, или како што ја нарекуваат локалните жители и работниците во Националниот парк Плитвице – „Објект 99“, е сместена далеку од погледите, во зафрлен дел од националниот парк и во прилично руинирана состојба, која потсетува на некогашниот сјај.

При изградбата, вилата „Извор“ важела за најскапата претседателска резиденција. Градена е по Втората светска војна, од страна на политички затвореници.

Кодното име на објектот наводно е добиено по 99. осуденици кои ги поставиле темелите. Додека вилата целосно функционирала, тука доаѓале политичари, пријатели и елитни гости, кои се дружеле и состанувале со Тито. Понекогаш оделе и на лов. Во салата за состаноци се воделе тајни разговори, а потоа следело релаксирање со виски и цигари.

Вилата имала и кугларница, сала за билјард, дури и киносала. Гостите што престојувале по неколку дена можеле да се сместат во некој од елитните апартмани.

Малкумина знаеле за подземниот тунел, долг 80 метри, кој служел како таен излез при вонредни ситуации.

Раскошот и сјајот на вилата од минатото, денес сосема се исчезнати.